Дух кој точи пиво

Сопственичката на еден паб во Англија, пронајде одличен начин како да го "унапреди" својот бизнис и да си осигура поголема заработувачка - со...

 

... истерување на духот кој бесплатно им точи пиво на муштериите.

Џенис Мекормак одлучила да ги повика истерувачите на духови во својот паб, бидејќи таа е убедена дека во нејзината кафана постои дух поради кој таа е постојано во минус.

"Знам дека звучи чудно, но штом муштериите ја спуштат чашата на шанк и отпијат повеќе голтки, а потоа да речеме заминуваат до тоалет, кога  ќе се вратат нивните чаши се повторно полни до врв", изјавила Џенис и додала дек духот станал "посебно безобразен" во последно време кога на муштериите почнал да им точи и во целосно празни чаши.

"Ме прогонува веќе 10 години, но од Новата година стана многу повеќе безобразен - им точи многу повеќе пиво на муштериите кое јас не можам да си го дозволам. Гостите се воодушевени, но јас сум во загуба".

Сопственичката на "проколнатиот" паб додала дека откако се расчуло за "гратисот пиење", бројот на гостите уште повеќе расте, што уште повеќе ја оптеретува финансиски.