Најголемите предрасуди за жените:Ако жената излезе сама - изневерува, кога мажот го прави истото - има право на слобода

Борбата за превласт во светот помеѓу мажите и жените ќе остане вечна поради бројните предрасуди за жените кои мажите ги имаат, а и самите жени ги прифаќаат.

Ова се тие предрасуди кои не се точни и кои девојките мора веднаш да ги елиминираат, бидејќи тој што сака да го промени светот мора да започне прво од себеси.

- Ако мажот јаде премногу е гурман, жената е ненаситна.

- Ако мажот е супер скоцкан во нов костум тој е успешен, а жената сигурно има богат маж кој и овозможува луксуз.

- Мажот разговара со пријателите, жената не знае ништо друго освен да озборува.

- Кога жената ги менува често партнерите или не знае што сака или е неморална, мажот кога го прави истото е заводник.

- Кога жената има 35 години и не е во брак, нешто и фали, а мажот се уште ја нема пронајдено вистинската.

- Ако жената излезе сама, изневерува, кога мажот го прави истото тоа е негово право на слобода.

- Ако мажот има брчки и побелена коса, тој е секси, а жената стара личност која не се грижи за изгледот.

- Ако жената е мажот во куќата, таа е пребирлива и тешка, во спротивно мажот е тој што би требало да го прави тоа, да биде "газда" на куќата.

- Ако жената оди на интервју за работа, секогаш флертува и се средува божем сака да го заведе шефот, а кога мажот оди среден на интервју тоа значи дека се грижи за себеси.

- Ако таа има намуртен изглед на лицето, тогаш има некој проблем, а тој сигурно е сериозен човек.

- Ако маж запали цигара на улица, тоа е секси и привлечно, жената доколку го направи тоа е лесна жена која бара внимание.

- Ако жената има вишок килограми е дебела, а мажот е елегантно пополнет.

- Ако жената напредува во кариерата, тоа го прави преку кревет, а мажот во истиот случај е способен и паметен.

Имате ли нешто да додадете?