Зошто часовниците на рекламите секогаш покажуваат 10:10?

Кога и да влезете во некоја продавница за часовници, ќе видите дека сите се наместени да го покажуваат времето 10:10. Сигурно сте се запрашале кое е значењето, дали тоа е маркетинг трик или пак едноставно така треба да биде.

Ова се неколкуте најчести објаснувања за оваа појава.

1. Многу често производителите на часовници своето лого го ставаат на местото каде што часовникот покажува 12 часот. Па, доколку едната стрелка е на 10, другата на 2, нивното лого е одлично урамено и доаѓа до израз.

2. Кога ќе го погледнете часовникот кој покажува 10:10, има шанса да ви заличи на насмеан лик. Се верува дека смајли ликот шири позитивна енергија и многу е подобро кога часовникот му се насмевнува на купувачот.

3. Кога стрелките од часовникот се наместени точно на 10:10, останатите детали се подобро видливи во споредба со случајот кога стрелките би покажувале друго време. Исто така практикуваат никогаш стрелките да не се поклопуваат, бидејќи подобар ефект има кога двете стрелки се видливи.

4. Многумина тврдат дека кога стрелките се наместени да покажуваат 10:10 изгледаат симетрично и попријатно за очите, што е одлично за маркетингот и продажбата.