Неколку совети за посреќен живот

Среќата е најважна во животот, затоа што се што правиме – правиме за да бидеме посреќни. Среќата е релативна работа, бидејќи различни луѓе ги прават среќни различни работи. Некој е среќен со парче чоколадо, а на некој не му носи среќа ни фабрика за чоколади.

Во многу случаи самите на себе сме си најголеми непријатели или не сме доволно свесни дека можеме да промениме нешто во врска со тоа колку сме среќни. Понекогаш среќата зависи од нас самите и затоа треба да знаеме кои работи да ги практикуваме, за да си ги зголемиме шансите да бидеме среќни.

Благодарност
Ова е нешто што треба да се нагалси. Покажувајќи благодарност за добрите работи кои ги имате во животот е најдобра алатка која ќе ве исполни со среќа. Оваа навика ќе го подобри вашиот однос со околината и ќе ве направи подобра личност. Направете список на малите нешта што ве прават среќни и заблагодарете се за тоа. Гледајте позитивно на работите.

Правете го она во што сте добри
Секој е добар за некоја работа. Она во што вие се истакнувате, правете го почесто бидејќи таа активност ќе ви донесе радост. Ако добро готвите, изненадете некого и сите ќе бидат задоволни.

Не е сè во парите
Многу луѓе трчаат по пари и планираат тоа да го прават се додека не мислат дека им се доста. А, од пари никогаш не е доста, ниту пак тие се гаранција за среќа. Точно е дека животот без пари е многу потежок, но докажано е дека парите имаат минимален ефект врз среќата. Парите се слатки, но преголемата желба за нив е лоша.

Подарувајте
Кога подаруваме сме подеднакво среќни како и кога примаме подароци. При тоа не мора тоа да се скапи подароци. Наместо тоа , вклучете се во некоја добротворна, волонтерска организација и помагајте на другите. Помислата дека сте усреќиле некого, ќе ви даде неверојатно чувство на вредност и среќа.

Уживајте во мигот
Сетете се на убавите работи кои ви се случиле некогаш или дозволете си да се израдувате пред време за нешто. Насмевка незабележливо ќе се роди на вашето лице.

Бидете оптимисти
Клуч на среќата е оптимизмот. Верувањето дека се ќе биде добро на крајот, прави тоа навистина да биде така. Со песимизам ништо не се решава, а ви носи само лошо расположение. Луѓето кои се позитивни, се многу позадоволни сами со себе, потолерантни се, поретко страдаат од стрес и помалку чувствуваат болка. Тоа неминовно води до успех, а успехот до среќа.

Избегнувајте го чувството на самосожалување
Најлошо нешто што може да ве снајде е чувството на само сожалување. Заборавете на сите пропуштени прилики, заборавете на оние кои ве повредиле, престанете да жалите за нешто што требало да го сторите  и фокусирајте се на она што ве прави среќни, а не на она што ви носи несреќа.