10 едноставни начини за постигнување среќа

Време е конечно да ја преземете контролата врз животот во свои раце, без да се потпирате на судбината или верувањата дека она што го заслужувате само ќе се оствари. Поправете го вашето расположение и здравје и уживајте во текот на целиот ден.

Ова се 10те најмали и наједноставни начини на кои можете да ја постигнете среќата.

1. Вежбајте смирување на умот – живејте го моментот. Наместо да се грижите за утредента, фокусирајте се на сега и овде – храната, друштвото, разговорите во кои уживате.

2. Смеењето е лек – самото учество во среќен и забавен момент може да го подигне вашето ниво на ендорфин и останатите хормони задолжени за смеењето и чувството на задоволство.

3. Спијте – не дозволувајте хронично да ви недостасува сонот. Краткиот одмор во текот на денот или пак легнувањето во 8 часот со книга и гаснењето на светлата еден час подоцна само може да ви го подобри расположението и изгледот подобро од било кој третман.

4. Потпевнувајте – музиката ги опушта сетилата и го подигнува расположението.

5. Само кажете не – елиминирајте ги активностите кои не се неопходни и во кои не уживате. Секако дека постојат неколку активности кои во текот на денот не можете да ги избегнете, но практикувајте ги најчесто оние кои со задоволство ги извршувате.

6. Направете листа – запишувањето на задачите и обврските секогаш ќе ви дадат чувство на сигурност и организираност. Од време на време добро е да ја погледнете листата и да го шкртнете она што сте го направиле, ќе воочите неверојатен напредок.

7. Вежбајте – не само што ќе ви одговара свежиот воздух, туку и ќе се ослободите од секојдневниот стрес.

8. Изгасете го телевизорот – поминете барем еден ден без читање весник, гледање вести или пак сурфање на интернет. Наместо тоа земете си одмор во природа, шетајте, медитирајте...

9. Волонтирајте – ќе им помогне на другите, а вас ќе ви овозможи на кратко да заборавите на вашите проблеми.

10. Обрнете внимание на добрите работи во животот – луѓето кои секој ден се обидуваат да ги согледаат позитивните аспекти во својот живот (доброто здравје, веселите пријатели, семејството, слободата) се секогаш позадоволни.