Искористете ги предностите на бајатиот леб

Свесни сте дека секојдневно фрлате по неколку парчиња леб, а не знаете како да престанете, бидејќи едноставно не можете да му пронајдете никаква примена во кујната.

Следните 4 совети ќе ви помогнат како да создадете одлични, вкусни грицки или оброци од неколку тврди кришки леб.

1. Чувајте го лебот во замрзнувач, а кога ќе ви затреба извадете го, намачкајте го со масло и неколку зачини и ставете го во микровална. Ќе направите вкусна нафора за само неколку минути, со крцкава корка а мека средина.

2. Печените лепчиња во рерна, со растопен кашкавал и кечап се идеално решение за тврдите кришки леб. Премачкајте со малку маргарин или путер за оброкот да добие прекрасен шмек.

3. Брускетите се одличен домашен производ. Исечкајте го лебот на мали коцки,потопете го во маслиново масло и наросете неколку зачини. Испечете го во рерна додека не добие златно-жолта боја.

4. Тава печен леб, наместо компири. Наредете неколку кришки леб, а потоа редете состојки по желба. Повторувајте го редењето додека не ја наполните тавата, а потоа прелејте јајце. Ќе имате вкусен и едноставен ручек за само неколку минути.