Девојки, еве кога да си дозволите чоколадо за утеха

Не ви предлагаме секојдневно да се тешите со чоколадото, само затоа што мислите дека помага. Но, да бидеме искрени понекогаш постојат ситуации каде само таа утеха ни останува.

Не затоа што нема на кого да кажете, не затоа што никој нема да разбере, туку едноставно само чоколадото ќе успее да го ублажи стресот.

Ова се 10те ситуации во кои немате потреба од ништо друго, освен од чоколадна утеха.

1. На првиот состанок со згоден дечко се жалите како вашата шефица е неподнослива, со малку поостри зборови, за на крајот да дознаете дека таа всушност е негова блиска пријателка со која одлично се сложува.

2. Се будите после доста бурна вечер и случајно наоѓате, благо кажано, доста интересна порака во мобилниот, која сте ја пратиле на вашиот бивши.

3. Пораката која е наменета за вашата пријателка, а во неа кажувате сочни детали за синоќешната забава, му пристигнува на пример, на вашиот шеф.

4. Ја прашувате вашата мајка како и се допаѓа вашата нова фризура, а таа ви одговара : „Брзо ќе порасне, не се нервирај!“

5. Дечкото на кој се надевате веќе подолго време, конечно ви се јавува – за да побара телефонски број од вашата најдобра пријателка.

6. Пронаоѓате празно место во преполн автобус – каков среќен ден. Седнувате, а малку подоцна сфаќате дека беше празно заради залепената мастика.

7. Конечно си ја дозволивте скапата долна облека која ја гледавте речиси цел месец. А потоа, по второто пробување сфаќате дека не е удобна и никогаш повеќе нема да ја облечете.

8. Му се јавувате на вашиот дечко во работно време за да му кажете неколку секси зборови, а малку подоцна слушате како сите околу него се смеат. Заборави да ви каже дека сте на звучникот од телефонот?

9. Прв пат ги облекувате штиклите кои ги купивте вчера, а по само неколку минути ви се скрши штиклата. Утешете се со фактот дека не сте дале премногу пари.

10. Конечно го завршивте својот „толку тежок, што за малце ќе дадев отказ“ проект и на самото негово сочувување, компјутерот се рестартира.