Еве зошто да ги читате сите точки кога потпишувате договор

Мериен Сахури (35) од Њу Џери, се согласила да се појави во реклама за доење, но оваа снимка завршила во порно индустрија.

Оваа мајка ја тужи компанијата Мередит Корпорејшн од Ајова, тврдејќи дека нејзиното име и снимениот материјал бил злоупотребен од порно индустријата. Таа објаснува дека во 2010 година се согласила да се појави во реклама која дава совети за доење, затоа што и самата поминала низ слични проблеми.

„Не сакав да земам пари. Ниту пак да изигравам славна личност. Го направив тоа за да им помогнам на другите мајки.“ – изјавила Ахури.

Исто така признава дека кога и бил понуден договорот кој го потпишувала, не ги прочитала сите ставки, затоа што го држело бебето во раце. Од љубопитност пред неколку месеци на Google го укуцала своето име и останала подзината – нејзиното полно име и презиме воделе до бројни порнографски сајтови.

„Бев престрашена. Како да немам контрола над својот живот.“ – изјавила таа.

Компанијата Мередит Корпорејшн, во своето соопштение навела дека според договорот можела да го користи името, сликата или видеото и гласот на мајката, но никако да го злоупотребува.

Сахури не сака пари, само сака нејзините снимки и име да се тргнат од интернет.