Силна девојка: Веќе 9 години нема дечко

Рене Кембел (35) е најпозната британска бодибилдерка, која поминала години во пумпање на своите мускули за да стане светски првак во бодибилдинг.

Но, сега кога ја остварила својата цел, свесна е дека има љубовна препрека: мускулите ја спречуваат да пронајде партнер.

Рене е веќе 9 години сингл.

Таа има две деца од претходниот брак, но вели дека повеќето мажи ги одбива со својот мускулест изглед како и со тоа што не можат да го издржат нејзиниот строг животен режим.

Рене интензивно вежба два часа дневно и се придржува до строг начин на исхрана. На пример, во текот на 12 часа таа јаде 7 пилешки филети и внесува околу 4200 калории.

„Би сакала да имам дечко кој ќе знае да ме развесели пред натпревар и кој секој ден ќе ми готви пилешко. Но, мојот изглед ме спречува во запознавањето мажи. Бев во кратка врска пред две години, но тој не можеше да се помири со фактот дека тренинзите ми беа на прво место“ – изјавила Кембел и додала дека моментално се чувствува како да е омажена за бодибилдинг индустријата.

И покрај сето ова, вели дека се чувствува сјајно во сопствената кожа.

„Не можам да замислам повторно да сум слаба, вака сум многу посреќна“.

Момци, дали вие би се осмелиле да и пријдете на ваква девојка?