Првото дете им почина, се венча со друга жена 6 недели по разводот: Детали за првиот брак на Илон Маск

Детето поминало три дена во болница, кога на крај лекарите им соопштиле дека нема како да го спасат.

„Го држев во раце кога почина. А, Илон ми кажа дека не сака да зборуваме за неговата смрт. Па, си ги закопав чувствата“.

Илон сакал да има деца, па само два месеца подоцна, со Џастин отишле во клиника за асистирано оплодување.

Во наредните пет години, Џастин родила близнаци, а потоа и тројка.

Иако навидум животот им бил совршен, Џастин била далеку од среќна.

„Имавме огромна куќа со послуга. Одевме на гала свечености и седевме на најдобрите маси во најелитните дискотеки, со Парис Хилтон и Леонардо ди Каприо.

Кога патувавме, одевме со приватен авион каде стјуардесата ни даваше шампањ. Беше како сон, со привилегии и надреално.

Но, целиот сјај не можеше да прекрие нешто многу важно – Илон беше опседнат со работата“.

Џастин вели дека помеѓу нив немало никаква близина и се чувствувала само како да му е трофеј. Дури и си го променила изгледот за него.

Илон се согласил да одат на брачен советник, но истовремено бил преокупиран и со работата.

Па, еден месец подоцна ѝ рекол дека или ќе ги решат проблемите денес, или утре ќе се разведат.

Следното утро, Илон поднел барање за развод, но не ѝ кажал на Џастин, туку таа била известена преку нивниот брачен советник.

Дури тогаш Џастин сфатила каков договор потпишала пред свадбата.

„Се откажав од сите мои права во брачна заедница, вклучувајќи и сè што ми следува“.

Само шест недели по разводот, Илон ѝ напишал порака на Џастин и ѝ кажал дека се свршил со млада актерка од Британија – Талула Рајли.

Илон со втората сопруга

Во 2010-та, парот беше на суд за спогодбата за разводот.

Илон тврди дека ѝ понудил 80 милиони долари, што таа ги одбила.

Познато е дека во разводот ја добила куќата во којашто живееле со Илон и децата.

Исто така, таа се грижа за децата, а Илон ги покрива сите трошоци за нив.

„Го запознав кога немаше многу, но богатството и славата ја променија динамиката. Не сакав да бидам спореден лик во неговиот живот.

Сакав еднаквост, сакав партнерство, сакав љубов каква што имавме пред да ги заработи милионите“, има изјавено Џастин за разводот, но сепак истакнува дека го почитува Илон, и покрај целата драма.

Спирова С. | Црнобело