5 работи што ќе му бидат забранети на Доналд Трамп откако ќе му заврши претседателскиот мандат

Ќе мора да користи електронски уреди одобрени од тајната служба и нема да смее сам да вози автомобил, освен на приватен имот со обезбедување.

Како претседател на САД, Доналд Трамп, но и неговите претходници, уживаат бројни привилегии.

Секако, додека им трае мандатот, постојат и бројни правила кои не смеат да ги прекршат.

А, дел од овие правила треба да ги следат и откако ќе ја напуштат функцијата.

Кои работи им се забранети на поранешните претседатели на САД?

Да споделуваат доверливи информации

Претседатели мораат да молчат за доверливите информации што ги дознале додека им траел мандатот.

Доколку оддадат каква било тајна, може да се соочат и со затворска казна.

Да се кандидираат по вториот мандат

Откако Френклин Д. Рузвелт по четврти пат бил избран за претседател, политичката фела во САД почнала да размислува дека можеби не треба иста личност толку долго да владее, бидејќи се губи смислата на демократијата.

Според ова правило, Бил Клинтон, Џорџ В. Буш и Барак Обама повеќе немаат право да се кандидираат.

Ни Доналд Трамп нема да може да се кандидира уште еднаш откако ќе му заврши овој мандат.

Да возат на отворен пат

Додека се на власт, претседателите на САД не смеат да седнат зад волан на отворен пат.

Единствено може да управуваат автомобил на приватен, ограден имот со обезбедување.

Оваа забрана трае и откако ќе им помине мандатот.

Да добиваат тајни пратки

Секоја пратка што ќе ја добијат поранешните претседатели е проверувана од тајната служба на САД.

И откако ќе им заврши мандатот, тие се изложени на поголем ризик бидејќи, сепак, имале моќна функција.

Па, се проверува секоја можност за потенцијална закана.

Сами да си купуваат електронски уреди

Доколку сакаат да купат смартфон, лаптоп или каков било електронски уред, поранешните претседатели не можат само да отидат во продавница како ние.

Уредите што сакаат да ги користат треба да бидат проверени и одобрени од тајната служба, со цел да се намали ризикот од хакирање.

Погледнете и: 8 секојдневни работи што му се забранети на Доналд Трамп, откако стана претседател

Спирова С. | Црнобело