8 музеи низ Европа што секој треба да ги види барем еднаш во животот
Прадо, Мадрид
Музејот Прадо во Мадрид е всушност уметничка галерија, односно главниот фокус му е уметноста, особено шпанската.
Овде ќе видите дела од европски уметници кои датираат од 12-тиот, па сè до 20-тиот век.
Меѓу најпознатите се делата на Франциско Гоја, но и Диего Веласкез.
Тејт, Лондон
Познат и како Tate Modern, Тејт претставува галерија за модерна уметност.
Ова е најпосетуваната уметничка галерија во светот и овде можете да видите дела од британски артисти кои датираат од 1900-та, па сè до денес.
Ватикански музеи, Ватикан
Ватикански музеи се однесува на голем комплекс во Ватикан каде се изложени експонати собирани од Католичката црква, а дел од него се и цели градби.
Колекцијата на музејот брои околу 70.000 експонати, од кои изложени се околу 20.000.
Овде можете да ги видите и најважните дела од ренесансната уметност, тронот на папата, како и таванот на Сикстинската капела која е во склоп на комплексот.
Куќата на Ана Франк, Амстердам
Ана Франк била еврејско девојче од чиј дневник дознавме многу за животот на евреите во периодот од Втората светска војна.
Таа и семејството скоро две години се криеле во таван од куќа во Амстердам, но, за жал, биле најдени и однесени во логор.
Татко ѝ е единствениот преживеан и токму тој го издава нејзиниот дневник.
Куќата на Ана Франк е музеј каде што може да се види таванот во кој се криело семејството, како и други експонати поврзани со краткиот живот на девојчето.
Спирова С. | Црнобело
Би можело да ве интересира:
Препорачуваме
Најчитани неделава
