7 корисни трикови за сопствениците на автомобили (кои ќе ви го олеснат животот)

Знаете ли дека со ќесичките со силиконски топчиња кои ги има во сите кутии за чевли може да ја исчистите замаглената шофершајбна?

Многу луѓе поминуваат голем дел од денот во автомобилот. Но, грижата за возилото не значи дека треба само да наполните бензин или да го исперете кога ќе биде валкано.

Постојат ситуации кои се непредвидливи, а кога, можеби, ќе ви дојде добро некој од овие едноставни трикови:

Исчистете ги и тешко достапните делови со правосмукалка

За да го направите ова, ви треба картонската основа за тоалетната хартија.

Ставете ја на врвот од цревото на правосмукалката, како додаток, стиснете ја на едниот крај за да се сплеска и со тоа ќе стигнете и до тешко достапните места за чистење.

Држач за мобилен со ластиче

Немате држач за мобилен во автомобилот, а неопходно ви е телефонот да го гледате пред вас (кога следите мапа, на пример).

Сега можете и сами да си направите држач за мобилниот.

Протнете подебело ластиче низ отворот за вентилација и со пинцета извлечете го од другата страна.

Мобилниот фиксирајте го со ластичето како на фотографијата.

Изладете го автомобилот без клима

Спуштете го прозорецот од страната на совозачот, а потоа неколкупати отворајте ја и затворајте ја вратата од страната на возачот набрзина.

Вака најлесно ќе го „исфрлите“ жешкиот воздух од возилото ако немате клима.

Одмаглете ги прозорците со силиконски топчиња

Знаете ли дека ќесичките со силиконски топчиња кои ги има во кутиите за чевли можете да ги ставите над инструмент таблата (во близина на шофершајбната) и дека тие ќе ја соберат влагата од стаклото кога е замаглено?

Пробајте и уверете се колку е корисен овој трик.

Ставете масло во автомобилот без да го истурите

Ако секојпат кога додавате масло во автомобилот, тоа ви се истура околу дупката во која треба да го ставите, проблемот ќе го решите со шрафцигер.

Ставете го шрафцигерот во дупката и потоа маслото сипете го преку него - течноста ќе оди директно во дупката, а нема да се истура на страна.

Исчистете го воланот со слајм

Земете малку слајм, растегнете го и ставете го преку воланот. Слајнот ќе ги собере прашината и нечистотиите.

Со истото парче слајм можете да ги исчистите и рачките на вратите и шал-таблата.

Пластично шише за да сипете гориво

Ако останавте без гориво и автомобилот ве оставил сред пат, или ќе наполните неколку литри во канта или некој ќе ви донесе за да ве „спаси“.

Но, како да го сипете горивото во резервоарот без да го истурите?

Направете дупка на пластично шише (како на фотографијата), ставете го отворот од шишето во резервоарот и потоа преку дупката, истурете го горивото во самиот резервоар.

А. Ј. | Црнобело