Топли напитоци: Банана пунч

Во зима убаво е дополнително да му овозможите топлење на организмот со идеални зимски пијалаци. Се подготвуваат едноставно, а нудат посебен вкус.

Денес на менито – Банана пунч:

Потребни состојки:

• 150ml сок од банана (најдобро свежо подготвен дома)
• 2 лажици кафеав шеќер
• ½ мала лажичка цимет (рамно)
• ½ портокал
• 40ml рум
• Парчиња банана

Подготовка:

Сокот од банана сварете го заедно со шеќерот и циметот. Тргнете ги од огнот и оставете ги неколку минути. Исцедете го портокалот и добиениот сок измешајте го со сварениот сок од банана. По желба, прелијте го со рум и послужете го пунчот со свежи парчиња банана прелиени со чоколадо.