Во Франција има 42.986 - Земји со најмногу кружни текови во светот

Со скоро 43.000, Франција е на врвот на листата на 5 земји со најмногу кружни текови во светот. На оваа листа се наоѓа само една земја која не е од Европа. Можете ли да погодите која?

Секој возач барем еднаш се нашол на кружен тек. Овој тркалезен остров среде пат (понекогаш) му го загорчува животот бидејќи или не може да се снајде во сообраќајот, или се нервира со возачите кои не ги знаат правилата за возење по кружен тек.

Кај нас и нема толку многу кружни текови, па ќе си речете дека не е страшно...

Но, знаете ли во кои земји во светот има толку многу кружни текови, што мора да сте експерт (или да имате дебели нерви) ако сакате да не „полудите“?

Ова се петте земји со најмногу кружни текови во цел свет:

Франција е светски шампион со 42.986 кружни текови (повеќе од еден по општина). Франција има и најмногу кружни текови по глава на жител.

Според податоците, во Велика Британија има скоро двојно помалку кружни текови отколку во Франција. Но, со 25.976, земјата е сепак втора во светот.

Уште една европска земја е на врвот на листата. Италија има 18.121 кружен тек на својата територија.

Четврта е Шпанија. Оваа европска држава има 15.053 кружни текови.

Бразил е на петтото место во светот, со 11.854 кружни текови.

Истовремено, ова е првата земја на листата држави со најмногу кружни текови, а што не е во Европа.

А. Ј. | Црнобело