6 работи со кои несвесно си наштетуваме (а ги правиме сите)

Дали имате навика да го ставате телефонот во предниот џеб од панталоните? Ако сте машко, можеби е подобро да ја промените оваа навика.

Постојат некои работи што ги правиме сите, но за кои не сме свесни дека некогаш можат да бидат и штетни или да ни предизвикаат проблеми.

Шест вакви работи во продолжение:

Го бришете автомобилот со сува крпа

Никогаш немојте да го пребришувате автомобилот од надворешната страна со сува крпа бидејќи ќе ја оштетите бојата.

Секогаш прво навлажнете ја крпата со вода, навлажнете го и автомобилот, па дури тогаш пребришете го.

Ги бришете рацете со антибактериски марамчиња пред јадење

Антибактериските марамчиња, како и геловите и средствата за дезинфекција, никогаш не треба да го заменат миењето раце.

Овие продукти треба да ги користите само кога немате можност да ги измиете рацете.

Пред јадење, пак, секогаш темелно измијте ги рацете за да ги отстраните сите бактерии од нив.

Спиете на десната страна

Идеално е да спиеме на грб – на овој начин телото е во правилна положба, а притоа и не го „лепиме“ лицето за перницата, што значи се намалува ризикот од проблеми со кожата, па дури и рана појава на брчки.

Но, факт е дека многумина воопшто не можат да спијат на грб.

Ако сте од оние кои спијат на страна, тогаш избегнувајте да спиете на десната.

Причината за ова е формата на нашиот желудник. Кога спиеме свртени на десната страна, дел од желудочната киселина може да се врти во хранопроводот.

Ако веќе имате проблеми со стомакот, оваа положба ќе ги влоши и ќе ви создаде киселини.

Го чувате телефонот во предниот џеб од фармерките

Ова повеќе се однесува на мажи.

Телефонот емитува зрачење кое не е опасно за нас, но може да предизвика последици ако го чувате уредот на несоодветно место.

Ако, на пример, го носите во предниот џеб од фармерките, тогаш вашите гениталии ќе бидат изложени на ова зрачење.

А, некои истражувања покажале дека честата изложеност на ова зрачење може да предизвика проблеми со сперматозоидите.

Премногу верувате во податоци од паметни часовници и апликации за слабеење

Паметните часовници, како и некои апликации за смартфони, имаат опција да покажат колку чекори сте изоделе денес, колку калории сте согориле, колкав ви е пулсот и слично.

Иако ова е одличен начин да имате некаква претстава за здравјето и физичката активност, имајте на ум дека овие податоци не можат секогаш да бидат 100% точни.

Односно, некогаш можат да ви покажат помали, а некогаш поголеми вредности од реалните.

Ова не значи дека не треба да ги користите овие алатки – напротив, тие можат да ве мотивираат да водите подобар живот. Но, добро е да бидете свесни дека некогаш резултатите се неточни и не дозволувајте да имаат преголемо влијание врз вас.

Пиете кафе рано наутро

Огромен број луѓе го почнуваат денот со шолја кафе. Но, пиењето кафе многу рано скоро и да нема ефект.

Наутро, нивото на кортизол е повисоко. Кафето, пак, го поттикнува лачењето на овој хормон.

Зa да ги почувствувате придобивките на кофеинот, препорачливо е да го пиете кафето кога нивото на кортизол е природно пониско, на пример помеѓу 10 и 12 или помеѓу 14 и 15 часот.

Спирова С. | Црнобело