Породување, камен во бубрег: Најсилни болки кои може да ги почувствува човекот

Фрактурата на пенисот, позната и како „најлошиот кошмар на секој маж“ се смета дека е една од најболните повреди. Болката е ужасна, а се јавуваат и отоци и модринки. Кои се другите најсилни болки што може да ги почувствува човекот?

Колку и да е непријатна, болката служи за многу важна цел: нè предупредува дека нешто не е во ред и ни кажува да се тргнеме од она што нè повредува.

Акутната болка генерално брзо поминува, кога ќе се отстрани телото од штетните дразби. Од друга страна, хроничната болка може да трае со години и во голема мера да влијае на квалитетот на живот.

Без разлика дали болката е хронична или акутна, може да постојат начини да се ослободите или барем да се справите со неа.

Сепак, постојат и голем број извори на болка кои се поекстремни од другите и честопати се опишуваат како „неподносливи“. Некои луѓе ги раскажале овие ужасни болки, а оние што ги слушаат нивните приказни може само да се надеваат дека никогаш нема да мора и тие да ги доживеат.

Во продолжение погледнете листа од 15 најболни работи што може да ги доживее едно човечко суштество, имајќи предвид дека болката може да биде и субјективна, односно, не секој ја чувствува исто.

Убод од куршум-мравка (Paraponera clavataca)

Оваа мравка е една од најопасните и личности кои го искусиле овој убод го споредуваат со тоа како да се ранети од оружје, а болката може да трае дури и до 24 часа.

Искината Ахилова тетива

Бидејќи е најсилната и најголемата тетива во телото, кога ќе пукне или ќе се скине Ахиловата тетива, се смета дека е една од најболните повреди.

Пациентите болката ја опишуваат како „да биле застрелани во задниот дел на глуждот“.

Повреди нанесени од напад на животно

За жал, повеќето луѓе кои се нападнати од големи животни како лавови, тигри и мечки, нема да преживеат за да предупредат за болката од овие напади.

Еден човек кој преживеал напад од мечка имал вкупно дваесет и осум рани, вклучително и забивање на канџите во неговото око. Прешлените му биле скршени и бил подложен на повеќе операции.

Само една од овие повреди звучи неподносливо, а не пак сите одеднаш.

Породување

Болката при породувањето, иако несомнено вреди за крајниот резултат, е опишана како чувство кое изгледа како да сте прободени во стомакот, а болката е како да се поместуваат внатрешните органи и да се кршат стотици коски.

Камења во бубрезите

Покрај тоа што се незамисливо болни, камењата во бубрезите честопати резултираат со треска, крв и гној во урината, како и повраќање.

Заболените доживуваат бранови на болка, сè додека каменот не се отстрани природно или хируршки.

Продолжува на следната страница...