Тетовира веб адреси за Гинис!

Што прави човек кој наумил да постави свој рекорд, а нема намера да трча или освојува височини? Се обидува да влезе во Гинисовата книга...

...како типот со најмногу тетоважи од веб страници!

Подвижната „златна книга“ се вика Pat Vaillancourt и живее во Канада, а се опишува како спонтан дечко кој нема страв да се впушта во неконвенционални предизвици.

Во моментов има околу 15.000 тетоважи, но планира да стигне до 100.000 тетовирани интернет адреси.

Тетовирајќи се кон целта да стане светски рекордер (па и не веруваме дека има многу конкуренција) се обидува и да направи нешто добро за светот. Половина од сумата што ќе ја заработи сака да ја донира за помош на Хаити. Но во денешно време е полесно да се истетовирате отколку да помогнете, па неговиот почетен план доби мало проширување.

Погледнете го првото (претпоставуваме и единствено) тетовирање на косилка за трева!

Рекламен простор на гола кожа чини околу $35 долари, а ако немате веб страница може да си нарачате тетоважа со вашата лична фејсбук или твитер адреса, на пример.

Сакате да го видите www.crnobelo.com на неговото тело?

З.П. | Црнобело