12 едноставни, но важни совети за среќен и исполнет живот

Станете еден час порано - подобро да имате малку време за себе отколку панично да станете од кревет и да одите на работа со трчање.

Дали среќата има подеднакво значење за сите нас?

Многу луѓе однадвор изгледаат исполнето и задоволно, додека одвнатре имаат чувство дека нешто им недостасува и дека тоа што го прават не ги прави среќни.

Ниту сите пари на светот не се гаранција дека ќе бидете среќни, затоа што внатрешното задоволство се крие во малите моменти со вистинските луѓе и во мирот.

12 трикови и совети за секој ден, кои можат животот да ви го променат на подобро:

1. Наспијте се

Морате да спиете 7-8 часа дневно. Ослободете се од навиката да седите до доцна навечер читајќи книга, гледајќи телевизија или слично.

Подобро е да станете еден час порано и да уживате во утринските ритуали кои ве опуштаат и носат среќа, отколку да брзате на работа веднаш откако ќе станете од кревет.

2. Не го трошете денот на погрешни работи, луѓе и активности

Направете листа на она што треба да го направите, да купите, да прочитате во текот на денот. Направете си ваш дневник за постигнување успех.

Тоа ќе ви го направи животот поорганизиран и попродуктивен.

3. Правете добри делa

Секој ден имате можност да направите едно добро дело. 

Можете да купите леб за осамениот стар сосед, да ѝ помогнете на некоја млада мајка да ја качи количката по скалите, да нахраните куче скитник - списокот на добри дела што нема да одземат многу од вашето време, пари и труд е бесконечен и го прават овој свет подобро место.

4. Ослободете се од негативноста

Секој живот е слика. Родителите го обезбедуваат платното, судбината ја обезбедува рамката, друштвото боите, но ние сме тие што цртаме.

Ако се фокусирате само на негативните работи, сами ќе „нацртате“ несреќен живот.

5. Никогаш и никому не му завидувајте

Завидливоста е една од најразорните емоции.

Не посакувајте нeшто што им припаѓа на другите, туку радувајте се на успехот на пријателите, семејството и познаниците.

6. Престанете да се расправате

Обидете се да пресметате колку време и напор трошите во расправии со продавачи, колеги, роднини, пријатели, непознати лица на интернет.

Ова е деструктивна навика која ве спречува да живеете среќен и исполнет живот.

7. Не се тешете со брза храна

Јадењето нездрава храна негативно влијае и на физичкото, и на менталното здравје. 

Изберете храна за која нема да се критикувате, да се чувствувате виновни, а ќе се чувствувате здрави и полни со енергија - зеленчук, овошје, житарки...

8. Не заборавајте да се наградите за успехот

Важно е повремено да се наградувате, односно да се почестите себеси. Наградете се и тоа ќе ве мотивира за нови достигнувања. 

9. Сакајте се себеси

Не очекувајте другите да ве сакаат и почитуваат ако вие самите не се сакате и почитувате. 

Љубовта кон себе не е себичност, туку емпатија и поддршка за вашето битие, што е неопходно за да бидете среќни.

10. Ослободете се од токсичните луѓе и оние кои ве повредуваат

Партнер кој ве навредува, девојка која ви влева чувство на несигурност, шеф кој постојано ве критикува, дури и без причина, пријател кој не ве почитува - за сите нив нема место во вашиот живот. 

Заслужувате луѓе кои ќе ве мотивираат да бидете најдобрата верзија од себе и искрено да ја покажете својата љубов.

11. Спортувајте

Фитнес, јога, танц, аеробик, фудбал, кошарка, што било, но физичката активност мора да биде присутна во вашиот живот.

Покрај тоа што е добра за здравјето и витката линија, најдобар начин да се ослободите од насобраниот стрес е кога сте активни.

12. Најдете работа која ќе ви донесе задоволство

Не можете да постигнете успех ако работите работа што ја мразите.

Излезете од вашата комфорна зона, сменете го работното место, можеби дури и професијата, осмелете се и работете ја работата од вашите соништа.

Запомнете, среќата е лично патување, а она што функционира за еден човек може да не функционира за друг. 

Од суштинско значење е да го пронајдете она што вам ви претставува задоволство и да создадете личен пат до среќата.

С. Ш. | Црнобело / фото: pexels.com