Во брак е со втор братучед, вработени ја тужат дека им должи плати – Факти за сестрата на емирот од Катар, Ал Мајаса бин Хамад

Омажена е за втор братучед со кого има пет деца. Туторот кој требало да ги подучува нејзините деца се жали дека го терале да работи по 90 часа неделно, а кога побарал прекувремената работа да му се плати, добил отказ – Факти за сестрата на емирот од Катар, Ал Мајаса бин Хамад ал Тани.

Шеика Ал Мајаса бин Хамад бин Калифа ал Тани (39) е ќерка на поранешниот емир Хамад бин Калифа Ал Тани и неговата втора сопруга Моза бин Насер, која важи за една од најелегантните жени во светот.

Ал Мајаса е сестра на сегашниот емир од Катар, а честопати се наоѓа на листата на Forbes меѓу 100-те највлијатечни жени во светот.

Таа е претседател на катарските музеи, а во приватниот живот е страстен колекционер на уметнички дела.

Се верува дека во 2015-та година таа дала рекордни 300 милиони долари за да го купи делото на Пол Гоген „Кога е свадбата?“, а била вплеткана и во скандали кога поранешни вработени ја тужеле за суровите услови за работење што им ги наметнувала.

Ал Мајаса во 2005-та година дипломирала на универзитетот Duke во САД, каде се стекнала со образование на политичките науки и литературата, а се знае дека една година студирала политички науки и во Париз.

Во 2006-та година таа стапила во брак со вториот братучед Шеикот Јасим бин Абдулазис Ал Тани и заедно имаат четири сина и една ќерка.

Освен што важи за една од најмоќните жени во светот на уметноста, во периодот додека студирала, Ал Мајаса работела и како асистентка во продуцентската куќа на Роберт Де Ниро, Tribeca, каде се стекнала со основното знаење што ѝ било потребно за во 2009-та година да започне да го организира филмскиот фестивал Doha Tribeca, а го основала и филмскиот институт во Доха.

Продолжува на следната страна...