Се омажи со телохранителот, со 3 деца побегна да живее во циркуз – Факти за најмалата ќерка на Грејс Кели, Стефани

Стефани почнала да работи во модната индустрија. Била помошничка во Christian Dior, пред да почне да се занимава со манекенство, па дури успеала да промовира и сопствен парфем Stéphanie.

На татко ѝ не му се допаѓало тоа што таа сакала да биде модел, па така за да ја натера да се откаже, прекинал да ѝ дава пари, па дури и ѝ се заканил дека ќе ѝ го одземе пасошот.

По ова, Стефани се обидела да работи како поп-пејачка и имала еден хит, а дури ѝ го позајмила гласот за една од песните на Мајкл Џексон, но никој не знаел дека тоа е таа, затоа што била потпишана како непозната девојка.

Во поглед на љубовниот живот, Стефани била во врска, а подоцна и се омажила за нејзиниот телохранител Дaниел Дукуре, со кого добила две деца.

Дури по раѓањето на второто дете Стефани добила благослов од татко ѝ да стапи во брак со Даниел.

Тие двајца стапиле во брак во 1995-та година, но само една година подоцна во 1996-та година Даниел бил фотографиран како ја изневерува Стефани со белгиска старлета.

Тој тврдел дека бил наместен и дека немал никаква врска со старлетата, но Стефани самата побарала од нејзиниот татко да ѝ одобри развод.

Во 1998-ма година, Стефани го доби третото дете и долго време го криеше идентитетот на таткото за на крај да признае дека го добила со телохранителот Жан Рејмон Готлиб.

Според некои информации во 1999-та година, Стефани ја започнала врската со скротувачот на слонови Франко Ние и се преселила во неговата приколка во циркуз каде живеела заедно со трите деца од претходните врски.

По оваа врска почнала да се гледа со акробатот Аданс Лопез Перез и се верува дека со него била во брак една година од 2002-ра до 2003-та година.

Во 2005-та година, нејзиниот татко, принцот Раниер Трети почина, а целосно ја исклучи од наследството, односно ѝ остави само 1 отсто од неговото богатство, додека нејзините брат и сестра добија милијради.

Б. С. Б. | Црнобело