Посакува вистинска љубов, би снимил „филм за возрасни“ - Кој е „Принц од Врање“, евровизискиот претставник на Србија?

Едни го споредуваат со Аладин, други велат дека ги потсетува на Тарзан. Кој е пејачот Стефан Здравковиќ, кој победи на српскиот избор на Песна за Евровизија 2025?

Стефан Здравковиќ во јавноста веќе неколку години е познат под неговото уметничко име „Принц од Врање“.

Овој 31-годишен пејач синоќа (28.02) победи во финалето на српскиот избор за Евровизија (ПЗЕ), со песната „Мила“ и ќе ја претставува Србија на Евросонг, кој во мај ќе се одржува во Базел, Швајцарија.

Фото: И. Стошиќ

Интересно е што на изборот настапи и неговата поранешна девојка Тамара Поповиќ - Там, која, според јавноста е најголемата љубов на Стефан.

Тие се дружеа, си честитаа по настапите и се бодреа еден со друг.

Па, што знаеме за српскиот пејач со впечатлив изглед?

Роден е на 29 септември 1993 во Врање, но од својата деветта година живее во Белград.

Тој бил првак и вицешампион на Србија во карате, а се натпреварувал и за српската карате репрезентација.

На 15 години почнал да се занимава со музика, кога со другарите од средно го основал бендот „Шеста жица“.

Свири на гитара и тапани.

Од 2016-та е пејач на групата „Сизип“.

Студирал на Филолошкиот факултет, на отсекот за скандинавски јазици, книжевност и култура.

Зборува норвешки јазик.

Продолжува на следната страница...