Рекоа за бесмртноста...

Дали некогаш сте размислувале на темата: Што би било кога би биле бесмртни? Кога би имале на располагање бескраен живот? Дали тогаш би се нервирале за недостигот на време, за грешките кои ги правиме, дали би побрзале да завршиме се и при тоа да ги запоставиме пријателите?

Што велат мудростите на тема бесмртност?

1. Човекот е смртен, но неговото име може да стане бесмртно – јапонска поговорка

2. Кога би бил бесмртен, би ја измислил смртта само за да се уверам во убавината на животот – Жан Ришпен

3. Бесмртноста е во сеќавањето на другите  и е дело кое го оставаме позади нас – Хорхе Луис Борхес

4. Единствена погрешна работа кај бесмртноста е нејзината тенденција да трае вечно – Херб Каен

5. Не ми е страв да умрам, само не сакам да бидам таму кога тоа ќе се случи – Вуди Ален

6. Да излеземе од границата на нашата чувствителност и нашата ментална представа, т.е. да постигнеме бескрајна слобода – тоа е значењето на бесмртноста – Тагоре

7. На здраворазумен човек не му треба ниту Бога ниту бесмртност. – Фридрих фон Шилер

8. Прв услов за бесмртност е смртта – Станислав Јержи Леч

9. Кога некој би ни понудил бесмртност на земјата, кој би сакал да го прими тој жален подарок? – Жан Жак Русо