8 (научни) факти кои звучат како измислени

Синиот кит е најголемиот цицач на планетата и јасно дека му требаат многу калории. Па, со еден залак, тој може да внесе дури половина милион калории.

Кога добро ќе размислите, светот околу нас е навистина чудно место.

На Земјата постојат илјадници видови живи суштества, а ние не знаеме ни половина од тајните што ги кријат.

Во продолжение неколку научни факти кои сигурно ќе ви звучат како измислени:

Циркулаторниот систем е долг 100.000 километри

Вкупната должина на сите артерии, капилари и вени во телото на возрасен човек изнесува околу 100.000 километри.

Државата Филипини ја сочинуваат 7.641 остров

Филипини е островска држава во Југоисточна Азија која се состои од други 7.641 остров.

А, во овој број не спаѓаат многуте мали формации кои се појавуваат за време на осека.

Луѓето можат да користат мал процент од водата на Земјата

Добро познат факт е дека околу 70% од нашата планета е всушност вода.

Но, од целата оваа вода, најголемиот дел е солена, односно непогодна за пиење.

Само околу 2,5% од водата е слатка, но за луѓето е достапен околу еден процент.

Останатата слатка вода е замрзната во глечери и снег.

Кикиритките не се јатки

Досега веројатно сте слушнале дека доматите не спаѓаат во категоријата зеленчук, туку овошје.

Нешто слично важи и за кикиритките.

Иако ги сметаме за јаткасти плодови, според нивната биологија, тие се всушност мешунки, како гравот и леќата.

Оклопот на армадилото е отпорен на куршуми

Армадилото е навистина необично животно.

Покрај другите чудни карактеристики, она што го прави најфасцинантно е неговиот оклоп кој е отпорен на куршуми.

Најдолгиот збор во англискиот јазик има над 100.000 букви

Во хемијата има навистина долги зборови бидејќи неретко хемичарите го кажуваат целиот хемиски состав на некоја супстанција.

Па така, најдолгиот збор во англискиот јазик се однесува на вид протеин и има дури 189.819 букви.

Секако, нема да го напишеме зборот овде бидејќи е предолг, но можете да го видите на Википедија.

Сините китови внесуваат половина милион калории со еден залак

Синиот кит е најголемиот цицач во светот и јасно дека му се потребни многу калории за да преживее.

Во само еден залак, овие масивни животни можат да внесат дури половина милион калории

Додека на Земјата живееле диносауруси, на Месечината имало активни вулкани

Повеќето вулкани на Месечината престанале да еруптираат пред околу милијарда години.

Но, според наодите на НАСА, се претпоставува дека во дел од нив имало течна лава пред околу 100 милиони години.

Ова е периодот кога на Земјата владееле диносаурусите.

Спирова С. | Црнобело