Пауло Коелјо - Како да го пронајдете „вистинскиот пат“?

Еден учител шетал низ поле жито. Ученикот дошол до него и му рекол: „Јас не можам да го најдам вистинскиот пат. Во што е вашата тајна?“

„Што значи тој прстен за тебе, кој го носиш на десната рака?“ го прашал учителот.

„Мојот татко ми го даде пред да почине“, натажено одговорил ученикот.

„Сега дај ми го мене“.

Ученикот го послушал, му го подал прстенот, а учителот го фрлил далеку во житното поле.

„Што направивте? Сега што? Сега морам да престанам со се што правев за да си го најдам прстенот“, со викање рекол ученикот.

„Кога ќе го пронајдеш, сети се на последнава твоја реченица. Сам си го даде одговорот на прашањето кое ми го постави, затоа што знаеш што ти е важно.

Само така секогаш ќе го пронајдеш правиот пат - следејќи го она што ти е поважно од се останато!“

М. Д. | Црнобело