Ева Јовановска за CRNOBELO лексикон: „Непознат дечко ми испрати порака дека сака да ми слугува“

Детали

петок, 25 април 2025

„Само еднаш сум се степала - имав околу 12 години, ги фатив за коси комшивките затоа што ми истурија валкана вода на глава“ - напиша водителката Ева Јовановска во нашиот лексикон.

Водителката Ева Јовановска, за многумина е само - Евче.

Оваа 21-годишна девојка обожава да чита книги, особени мистерии, но и да патува, па вели, да има временска машина, би заминала барем 100 години во иднината за да види како ќе се живее тогаш.

Ева се потпиша во лерксиконот на CRNOBELO.com и ни откри неколку интересни работи за себе:

1. Како се викаш и дали имаш прекар?

Јас сум Ева Јовановска, но речиси сите ме викаат Евче.

2. Колку години имаш и што си во хороскоп? 

Имам 21 година, родена сум на 16 октомври 2003 и сум Вага во хороскоп.

3. Која ти е омилена песна? А пејач и пејачка?

The Weeknd ми е омилен артист, ги обожавам сите негови песни, но ако морам да издвојам една, тоа би била Baptized in Fear од неговиот најнов албум.

4. А омилена книга?

Многу сакам да читам мистерии и трилери, нема ништо подобро од книга што те држи во неизвесност до последната страница!

„Немата пациентка“ од Алекс Мајклидис ми е апсолутен фаворит, ја прочитав во еден здив, буквално во еден ден!

5. Омилен глумец, глумица, филм, серија?

Во последно време не гледам многу филмови и серии, но The Vampire Diaries ми остана како една од омилените серии - ја имам изгледано четирипати.

Кога станува збор за филмови, What Happened to Monday ми е еден од најдобрите што сум ги гледала.

А што се однесува до омилен глумец, немам, поважна ми е самата приказна.

6. Имаш ли омилен спорт, клуб, спортист? За кого навиваш?

Никогаш не ме влечел спортот, отсекогаш повеќе сум била наклонета кон уметноста.

Но, кога игра Македонија, без разлика на спортот, навивам со цела душа!

7. Имаш ли милениче? Како се вика?

Во моментов немам милениче, но до пред неколку месеци имав преслатко кученце по име Скај.

Сега живее во Англија, но засекогаш ќе остане во моето срце.

8. Која е најчудната/најсмешната порака што си ја добила на Инстаграм?

Искрено, често добивам смешни и чудни пораки на Инстаграм, но една посебно ми остана во сеќавање.

Еден човек ми пиша дека сака да ми слугува, да биде како мое „послушно кученце“, дури и ако сакам, да го користам како столче за нозете!

Кога го прочитав тоа, се згазив од смеење...

9. Што сакаше да бидеш кога ќе пораснеш?

Кога бев малечка, сонував да станам пејачка како Елена Ристеска, тој сон сè уште не ми се исполнил, но кој знае?

Животот е полн со изненадувања, можеби еден ден ќе почнам да работам и на тоа!

10. Кој ти е омилениот пијалак? А храна?

Пијалак - сок од портокал, а храна сè што ќе подготви мајка ми.

11. Кој ти е најдобар другар/ка? Колку долго се дружите?

Немам многу блиски пријатели, можам да ги избројам на една рака, со дел од нив се дружам веќе 3-4 години.

Меѓутоа, имам две другарки со кои се познавам уште од многу малечка.

12. Каков ученик беше? Кој ти беше омилен предмет?

И во основно и во средно училиште бев одлична ученичка, а омилен предмет ми беше хемија.

13. Кој ти е идол (а да не е позната личност)?

Мој идол е мојата мајка, еден ден кога ќе имам деца сакам да бидам родител за пример, баш како неа.

14. Кога би можела да си лик од цртаните, кој лик би сакала да бидеш?

Како малечка, цело време го гледав цртаниот филм Винкс и најмногу сакав да бидам Блум.

15. Кои ти беа најомилени игри во детството?

Во детството, најмногу се забавував играјќи криенка.

Но, исто така, обожавав да правам „салата“ или друга храна од цвеќиња и листови.

Продолжува на следната страница...