Мартинијан Кириловски за CRNOBELO лексикон: „Мајка ми ми е херој - жена со срце како планина“

13. Кој ти е идол (а да не е позната личност)?

Тоа е дефинитивно мојата мајка, жена со срце големо како планина.

14. Кога би можел да си лик од цртаните, кој лик би сакал да бидеш?

Тоа би бил мачорот Том, од цртаниот филм „Том и Џери“. Едноставно ги обожавам лудориите во секојдневниот живот на тоа дуо кое израсна многу генерации.

15. Кои ти беа најомилени игри во детството?

Жмурката ни беше една од главните игри, кога во тоа време се собиравме дури и 30 деца од две маала, а една рунда знаеше да трае и до еден час, додека да се најдеме сите.

Секако, тука би го ставил и играњето џамлии, во кое можам да кажам дека бев профи.

16. Најголема беља што си ја направил во детството?

Кршењето на дрвото цреша кај мојот комшија, во моментот на акција кога ги беревме црешите како деца ха, ха, ха. Потоа моите дома ми одржаа лекција. Главно сум бил мирно дете.

17. Дали некогаш си се степал?

Како деца во училиште да, за некои банални работи. Сепак не знам тоа и дали може да се нарече тепачка, затоа што сепак сме биле деца.

18. Што правиш во слободно време?

Обожавам да тренирам во теретана, затоа што знам дека му правам добро на моето тело, физички и психички.

19. Ако имаш времеплов, во кое доба би сакал да се вратиш?

Тоа би било во ’70-тите или ’80-тите години од минатиот век, бидејќи тогаш била ценета и вистински вреднувана квалитетната музика и квалитетните пејачи, за разлика од денес.

20. Што немаш, а би сакал да имаш?

Во блиска иднина конечно да издадам свој прв студиски албум.

21. Од што се плашиш?

Единствено се плашам да не им згрешам на луѓето, без разлика за кој станува збор, бидејќи пред сè треба да бидеме луѓе во вистинска смисла на зборот.

22. Која ти беше прва симпатија? Знаеш ли каде е денес и што прави во животот?

Тоа беше едно девојче кое не е од нашата држава, а за која дознав дека пред некое време дека се омажила и има детенце.

Ѝ посакувам се најубаво во животот на неа и на нејзиното семејство.

23. На која песна откачуваш во кафеана?

Тоа е песната Sacuvaj tajnu од Душан Костиќ.

24. Најдобро потрошени пари во животот?

Тоа се дефинитивно моите песни и спотови, за кои сметам дека се најдобро инвестираните пари во мојот живот, сега за сега.

25. Кое е најубавото место на светот?

Малдиви, со песочните плажи и тиркизната боја на океанот.

Што би го прашал сопственикот на овој лексикон?

Мартинијан: Дали би ми пружиле поддршка за мојата нова песна, која би требало да излезе некаде околу Нова Година?

CRNOBELO.com: Секако, секогаш ја поддржуваме домашната музика и нашите изведувачи и едвај чекаме да слушнеме што си ни подготвил.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело