Април - месец во кој три планети се движат ретроградно

Откако го поминавме (и преживеавме) ретроградниот Меркур, настапи месецот април во кој дури три планети се движат ретроградно.

На 10 април тоа го направи Јупитер, на 24 април ќе почне Плутон, а на 30 април со ретроградно движење ќе почне Сатурн.

Што значи ова за астрологијата?

Настапувате во фаза на ретроспектива и ревизија на она што го правите. Отстранете ги сите извори на фрустрации. Отворено кажете „не“ на сè што ве успорува. Соберете сила и спротивставете се на секој кој се обидува да управува со вашиот живот.

Запрете малку, направете ревизија на сите планови и цели. Размислете што можете да подобрите.

Јупитер е планета на експанзијата, која помага полесно да стигнеме до целите, а со тоа и да стекнеме повеќе знаење. Поради неговата космичка интеракција со Нептун, кај некои луѓе ќе се појави збунетост, но оваа фаза е навистина кратка.

Во текот на ретроградните движења во април, луѓето се преиспитуваат себе дали некои идеи им се остварливи. Може да се случи одложување на некои планови или побавно остварување. Ова важи и за ретроградните движења и на Јупитер и на Плутон.ж

Но, кога ќе настапи Сатурн, тогаш започнува фаза на амбиција, граници и авторитети. Сатурн е планета која спротивно од Јупитер, ве ограничува и ви поставува бариери.

Во текот на ретроградниот Сатурн, потребно е да имате кочници, за да можете да ги поднесете сите промени кои ќе се појават. Извлечете поуки. Ќе ви оди добро, но не треба да се навикнувате премногу.

Особено ќе бидете во искушенија на професионален план. Дури и кога сте попаметни од своите претпоставени, премолчете. Сатурн може и да ве врати во минатото, во дел каде сте оставиле некои нешта недовршени и недоискажани.

Остварувањето на плановите, иако бавно, ќе биде без поголеми препреки. Самите ќе успеете да детектирате каде во минатото сте грешеле и ќе се обидете да ги коригирате тие грешки.

Плутон пак, е карактеристичен по тоа што трансформира, руши и ги доведува нештата до крајот. Но, сето тоа е со цел за да имате простор да започнете со нешто ново.

Е. Д. | Црнобело