Како хороскопските знаци им се враќаат на обврските по летниот одмор?

Затоа што септември официјално го означува почетокот на работната сезона и крајот на летното уживање, дознајте како вашиот хороскопски знак се справува со обврските по летниот одмор и што можете да очекувате во наредниот период.

Овен

Овенот до последно не признава дека е крај на летото. Дури и да ги потрошил сите денови од одморот, тој во петок навечер ќе тргне на море, за што повеќе да го искористи летото за уживање. Сепак, по неколку прекратки викенди во преполни гратчиња и кафулиња ќе потроши многу пари и нерви, па ќе реши дека на летото му е дојден крајот, по што запаѓа во депресија. Сепак, неговата тага не трае долго затоа што тој брзо наоѓа нови активности интереси за есента која доаѓа.

Бик

Бикот не е тажен што летото завршува, туку помислата дека треба да се врати на работното место. Затоа што е малку спор и им се спротивставува на промените, еднаш кога ќе се врати во канцеларијата со недели ќе се привикнува на новото темпо. Навечер ќе се присетува на романтичните и топли летни вечери и ќе се теши со највкусниот сладолед кој многу брзо му го подобрува расположението.

Близнаци

Близнаците се склони кон тажење за минатото, па штом ќе се вратат се обидуваат да се окупираат на нови активности за да не мислат на она што завршува. На нив и онака им е здодевно да не прават ништо, па враќањето во реалноста само може да им биде во корист. Уписот на нов натпревар, курс или излегувањето со пријателите ќе му помогнат долго да не тагува по летото што заминува.

Рак

Ракот летото ќе го испрати со солзи во очите, жалејќи по сè што пропуштил и што не стигнал да се одмори подобро. Ако доживеал некој летен флерт, работата дополнително се влошува, затоа што враќањето дома за него претставува вечно разделување од неговата замислена љубов. На овој емоционален носталгичар ќе му биде потребно многу време да се врати во реалноста, а кога еднаш ќе се случи тоа, повторно ќе започне да го планира следното лето и љубовта кое тоа го носи со себе.

Лав

Лавот е летен знак кој е во најдобра форма кога времето е жешко. Целодневно сончање, капење и парадирање во најновите летни трендови за него се поим за идеален живот, па затоа крајот на летото го доживува многу тешко. Иако тоа не го признава, ќе ја замрази самата помисла дека за некој ден се враќа на работа, или на училишните клупи, но добрата вест е што Лавовите се вечни борци и оптимисти.

Девица

На Девиците летото им здодеа после една недела неподнослива топлина, потење и проблеми со вртоглавици. Овие луѓе најмногу го сакаат мирното лето, кога сите туристи веќе се расчистени, а празните плажи и слабото сонце им се поим за идеален годишен одмор. Многу Девици со нетрпение чекаат летото да заврши за да му се вратат на своето секојдневие, затоа што рутините се оние кои ги прават среќни и смирени.

Уште 6 знаци на следната страна...