Носете го небото на рака

Живеејќи со брзо темпо, често забораваме да ги цениме малите и едноставни работи во животот. Со сите рокови и обврски лесно е да го земеме „здраво за готово“...

 

...прекрасното изгрејсонце или светкавите ѕвезди во ноќта.

Ryohei Yoshiyuki е јапонски дизајнер кој решил да го смени тоа. Тој сакал да создаде нешто што ќе не потсети да погледнеме во прекрасното небо. Во ова успеал дизајнирајќи го часовникот “Time of the Sky”.

Според Ryohei, постојано гледаме во некој екран - на компјутерот, мобилниот телефон, а сега и во еден мал екран на нашата рака.

Овој часовник не само што ги менува боите на неколку секунди (секоја боја претставува вистинска боја на небото), туку и ни го кажува времето според изгледот на месечината или сонцето.

Со други зборови, можете да кажете колку е часот гледајќи го небото, кое е всушност на вашиот зглоб.

Креативна идеја, со прекрасна порака!