Шпионски додаток

Јапонската компанија Танко познат произведувач на корисни уреди, претстави уште еден таков уред доколку би сакале да глумите детектив или шпион.

 

Се работи за уред кој изгледа како копче од кошула а служи за снимање на видеа и фотографии во ситуации кои не дозволуваат такви активности.

Откако едноставно ќе ја монтирате, фотографиите и клиповите се снимаат со помош на прстен кој доаѓа со камерата. Откако ќе си ја извршите задачата уредот можете да го поврзете со компјутер преку УСБ.

Видеото се снима во ВГА резолуција од 15 слики во секунда, а фотографиите во резолуција од 1.280 х 1.024 пиксели. Самиот уред има капацитет од 4 ГБ меморија, а во Јапонија ова шпионско копче се продаа по цена од 6.600 јени или околу 50 евра.