Вирална фотка од 80-годишен старец кој се придружува на украинската армија: „Го правам ова за моите внуци“
- Детали
- сабота, 26 февруари 2022
„Го правам ова за моите внуци“ – рекол 80-годишниот старец кој одлучил да ѝ се придружи на украинската армија за одбрана на сопствената земја.
Светот будно ги следи случувањата во Украина која во моментов е зафатена со војна.
Помеѓу големиот број емотивни видеа и фотографии што се споделуваат од Украина, на социјалните мрежи масовно се споделува и фотографијата од еден 80-годишен старец кој се пријавил за да се бори со армијата.
Во Украина, по руската инвазија се спроведува општа мобилизација на населението, а поранешната прва дама на Украина Катерина Јушченко на Твитер ја сподели фотографијата од 80-годишниот старец, што брзо се шири на социјалните мрежи.
„Некој ја објави фотографијата од овој 80-годишен старец кој се пријави во Армијата. Со себе носеше мала патна торба со 2 маици, пантолони, четка за заби и неколку сендвичи за ручек. Вели дека го прави ова заради своите внуци“ – пишува таа.
Someone posted a photo of this 80-year-old who showed up to join the army, carrying with him a small case with 2 t-shirts, a pair of extra pants, a toothbrush and a few sandwiches for lunch. He said he was doing it for his grandkids. pic.twitter.com/bemD24h6Ae
— Kateryna Yushchenko 🌻 🇺🇦 (@KatyaYushchenko) February 24, 2022
Засега не се знае каде била направена фотографијата, но истата масовно се споделува на социјалните мрежи и предизвика позитивни коментари.
„Овој човек толку многу ја сака сопствената земја што и на 80 години е подготвен да се бори за неа“ - стои во еден твит.
https://twitter.com/T_Giarratano/status/1497010428438020096
Инаку, претседателот Владимир Зеленски во петокот објави видео на кое покажа дека тој и членовите на неговиот кабинет се во центарот на Киев и дека се одлучни да останат и да се борат.
„Сите сме тука и така ќе остане“ – рече тој.
Прочитајте и Која е првата дама на Украина - најголемата поддршка на претседателот на оваа држава во најтешките денови? (фото)
Б. С. Б. | Црнобело
Би можело да ве интересира:
Препорачуваме
Најчитани неделава
