Светски познат танчар објавува видеа од моменталната состојба во Киев: „Не верувавме дека ќе дојде до ова“
- Детали
- петок, 25 февруари 2022
Звуци од сирени во заднина, експлозии, семејства со куфери кои бегаат за да се засолнат - светски познатиот танчар од Украина, Максим Чмерковски, кој во минатото беше поврзуван со Џеј Ло, неодамна одлучил да се врати во родната земја од каде избегал во 90-тите поради војните, сега ги пренесува сликите од моменталната состојба во Киев.
Украинскиот танчар Максим Чмерковски (42) кој учествуваше во американското шоу „Танц со ѕвездите“, во 90-тите години заедно со семејството емигрирале во САД, за да се спасат од војни, а со тага и неверување ги споделува сликите од она што се случува во Киев, каде неодамна решил да се врати.
Максим во моментов е во Киев, а на Инстаграм објави кратко видео во кое говори за тоа како ја доживува моменталната состојба во неговата земја, по извршената инвазија од страна на Русија.
„Јас не сум човек кој објавува по социјалните медиуми во тешки мигови. Знам дека воопшто не требаше да бидам во оваа земја, но им верував на моите извори пред да дојдам.
Никој не веруваше дека ова ќе се случи, сите верувавме дека ваков исход ќе биде избегнат, дека нема да дојде до ова“ – вели Максим додека во заднина може да се слушнат сирени.
Во описот до видеото тој напиша:
„Никогаш повеќе нема да бидам ист. Ова е стресно и ми се враќаат старите чувства како да сум поминал низ ова порано. Се чувствувам како повторно да сум во истата ситуација поради која си заминавме во 90-тите.
Како повторно да ми се враќаат траумите од кои конечно се ослободив. Рeчиси само што заборавив на оние чувства постојано да си на ’штрек‘ и почнав да се грижам за работи како забави со скара.
Плачам додека го пишувам ова затоа што секој човек треба да се грижи за забава со скара, а не војна. Прегрнете ги вашите сакани“.
Максим во истата објава додаде и други видеа во кои може да се види ситуацијата во Киев, на кое родители со деца со спакувани торби бегаат за да се засолнат од бомбардирањата.
Освен тоа, тој објави и други видеа на кои може да се слушнат сирените кои го предупредуваат населението да се засолни.
Кликнете на стрелката кон десно во објавата за да го видите и второто видео:
Инаку, Максим е роден во Одеса, Украина, но во 1994-та година неговото семејство емигрирало во САД, каде од најрана возраст почнал да ја гради сопствената танчарска кариера. Тој во минатото беше во врска со Џенифер Лопез.
Погледнете и: Видеото што го расплака светот: Татко се збогува со децата + други емотивни видеа од Украина
Б. С. Б. | Црнобело
Би можело да ве интересира:
Препорачуваме
Најчитани неделава
