Луксузни подвижни тоалети, трансформирана фарма за коњи – Колку милиони ќе плати Бил Гејтс за свадбата на ќерка му?
- Детали
- петок, 15 октомври 2021
Најстарата ќерка на Бил и Мелинда Гејтс, Џенифер (25), овој викенд ќе стапи во брак со нејзиниот свршеник Најел Насар (30). Како ќе изгледа свадбата на Џенифер и колку пари ќе потрошат Бил и Мелинда за настанот?
Според информациите објавени во Daily Mail, Бил и Мелинда ќе потрошат најмалку 2 милиони долари за свадбата на нивната ќерка, што иако за многумина звучи многу, сепак е „ситница“ ако се спореди со вистинските кралски свадби што чинеле и до 70 милиони долари.
На што ќе ги потрошат парите?
Во текот на изминатите денови се завршуваа последните подготовки за раскошната свадба на ќерката на милијардерот.
Свадбата ќе се одржи на фармата за коњи во Њујорк што е сосема сфатливо доколку се земе предвид дека младенците се професионални јавачи.
Сепак ова не е каква било фарма, туку станува збор за луксузен имот, вреден 16 милиони долари, што Џенифер го добила како подарок откако дипломирала на Стенфорд во 2016-та година.
Според оние малку информации што досега се објавени во јавноста се знае дека свадбата во целост ќе биде тематска и инспирирана од професијата на Џенифер и Најел.
Наместо шатори за гостите, се гради посебен приемен дел. Дел од медиумите веќе објавија фотографии од масивните стаклени павилјони што се изградени на имотот и каде ќе бидат примени гостите.
Како што соопштуваат очевидците, на имотот исто така се носат и луксузни подвижни тоалети што исто така ќе бидат во склоп со тематиката.
Исто така се гледа дека се гради и голема сцена каде младенците ќе го кажат судбоносното „Да“.
Речиси сите информации поврзани со свадбата на Џенифер Гејтс се поврзуваат со она што може да се види дека се случува на имотот, а досега немало официјални податоци за тоа кој ќе дојде на свадбата, колку чини невестинскиот фустан, дали ќе бидат подготвени посебни подароци за гостите.
Дел од медиумите пишуваат дека соседите на имотот се вознемирени од бучавата за подготвките за свадбата и според нив, сето тоа е мегаломанско и непотребно. Како што велат, особено ги вознемирува тоа што постојано доаѓаат камиони што носат материјали за настанот.
Иако се разведени, Бил и Мелинда ќе присуствуваат и двајцата на свадбата.
Мелинда беше забележана во текот на изминатите денови заедно со ќерка ѝ додека ги привршуваа подготовките, а Бил е фотографиран како со хеликоптер пристигнува на имотот каде во сабота неговата ќерка ќе стапи во брак со своето долгогодишно момче.
Инаку семејството Гејтс со прославите по повод свадбата започнаа уште во септември, кога Мелинда подготви wedding shower.
Моминската забава на Џенифер пак се одржа во Санта Барбара, Калифорнија, каде гостите беа сместени во Rosewood Miramar Beach хотелот и уживаа во јога покрај плажа. Се знае дека собите во овој хотел чинат од 1.500 до 3.000 долари по ноќ.
Во продолжение погледнете повеќе фотографии од Џенифер и Најел:
https://www.instagram.com/p/CT4i22tLEXx/?utm_source=ig_web_copy_link
https://www.instagram.com/p/CSo7U4In1K2/?utm_source=ig_web_copy_link
https://www.instagram.com/p/CRaSWq9tbvT/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
