Фит дедо на 63 години стои во „plank“ позиција цели 8 часа – колку можете вие? (фото+видео)
- Детали
- среда, 28 јули 2021
Џорџ Худ од Аурора, Илиноис е поранешен воен маринец, кому возраста (63) воопшто не му е пречка да остане фит и да се обидува да руши рекорди.
Џорџ на 15-ти февруари минатата година го сруши Гинисовиот рекорд за држење во позиција за склекови - plank. Тој во таа позиција стоеше над осум часа.
„Сè ме боли. Телото треба да заздрави и одвнатре и однадвор“ – рече тој неколку дена по соборувањето на рекордот.
Тој успеа да го сруши рекордот откако во таа позиција остана цели 8 часа, 15 минути и 15 секунди, што е за 14 минути повеќе од претходниот рекордер Мао Веигдонг (45) од Кина, кој во 2016-тата успеа да се задржи во истата позиција 8 часа и 1 минута.
Худ претходно работел како агент на Администрацијата за борба против дрога, а постојано вежбал откако завршил со програмата за Маринци во неговите 20-ти години од животот, но вели дека сега на возраст од 63 години чувствува дека е во најдобра форма.
Како што вели, за да стигне до рекордот му биле потребни цели 10 години упорно тренирање. Кога за првпат се обидел да стои во позиција за склекови успеал да се задржи околу 5 минути. Тој почнал да вежба цели 6 месеци и во 2011-тата година го поставил првиот Гинисов рекорд за стоење во позиција за склек во времетраење од 1 час, 20 минути и 25 секунди.
За да го собори рекордот во 2020-тата година, Худ кој е во пензија, но има некои клиенти за кои работи како тренер, вели дека вежбал по седум часа дневно во период од 18 месеци за да биде што е можно поиздржлив.
Во текот на оваа година, во март, Худ се обиде да сруши уште еден рекорд и да направи над 2.919 склекови во еден час. Сепак, тој не успеа да го сруши овој рекорд, но не е за потфрлање и фактот дека успеа да направи 1.775 склекови за еден час.
Погледнете неколку фотографии и видеа од Худ во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
