Директорот на Uber со хит потег: Доставувал храна 3 часа за да види како им е на вработените – заработил 100 долари

Детали

вторник, 29 јуни 2021

Генералниот директор на Uber сакал да види како изгледа денот на неговите вработени во одделот за достава, па доставувал храна во елече и кацига – мислите дека има и кај нас вакви директори?

Генералниот директор на Uber, Дара Косровшахи решил дел од викендот да го помине работејќи за одделот за достава на компанијата Uber Eats. Тој своето искуство го сподели на социјалната мрежа Твитер.

Тој кажа дека поминал неколку часа од викендот во доставување храна, а можеме да го видиме дека на фотографијата носи заштитна кацига и зелен ранец со кој ја пренесува храната.

Во неговите твитови вели дека успеал да заврши 10 достави за само 3,5 часа и заработил 106,71 долар, заедно со бакшишот. Со ова пресметал дека за еден час се заработуваат околу 30 долари. Но, по првичните објави имаше критики, затоа што на првата фотографија се гледа дека заработил само 98, 91 долари. 

Spent a few hours delivering for @UberEats. 1. SF is an absolutely beautiful town. 2. Restaurant workers were incredibly nice, every time. 3. It was busy!! - 3:24 delivering out of 3:30 online. 4. I'm hungry - time to order some 🍔🍟🍺 pic.twitter.com/cXS1sVtGhS

— dara khosrowshahi (@dkhos) June 27, 2021

Дополнително, дел од корисниците побараа тој да објави фотографија каде се гледаат сите детали од неговото работење, па на нив можеше да се види дека работел 6 часа. Со тоа, хонорарот од 106, 71 долари кога ќе се подели на 6, саатницата се намалува на околу 17 долари.

pic.twitter.com/MPpvzSceDC

— dara khosrowshahi (@dkhos) June 27, 2021

Според портпарол на компанијата, несоодветностите биле поради тоа што тој земал пауза и поради одделни бакшиши што биле исплатени по завршувањето на смената. Клиентите на UberEats може да додадат бакшиш 90 дена по направената нарачка.  

https://twitter.com/dkhos/status/1409563389328728066/photo/1

Инаку, вработените во компанијата за достава се платени за доставата, но и за изминати километри (милји). 

Косровшахи решил повторно да се обиде да биде доставувач и во текот на неделата, и како што вели, поминал полошо отколку првиот ден. Имало голем метеж во сообраќајот.

Доставата до становите била „тешка“, имал многу поголем број нарачки за брза храна, а бакшишот бил мал. Овој ден, генералниот директор го завршил со заработени само 50 долари. 

Day 2 good - not as good as day 1. More downtown routes w traffic and apt drop offs a pain. More fast food, lower tips. @SFGiantsFans fan tried to kill me. Maybe he knew I’m a @Mets fan 🙌. Super busy - 2:01 working from 2:02 online. And … Picked up from my first dark store. pic.twitter.com/6Pp8r4MIIB

— dara khosrowshahi (@dkhos) June 27, 2021

На прашањето дали го препознале клиентите, тој одговори дека маската си има свои предности.

Инаку, вработените во минатото говореа дека во компанијата немаат можност за редовни приходи, но и за тоа дека работното место не им нудело никакви бенефиции.

Вообичаено доставувачите во САД заработуваат околу 13 долари на час. На Твитер голем број корисници коментираа за веродостојноста на неговите објави, но имаше и такви што го пофалија дека направил добар маркетинг трик.

Сепак, не веруваме дека Косровшахи во скоро време ќе ја промени професијата. Тој во периодот на 2020-тата година заработил над 12 милиони долари, заедно со инвестициите во акции.

Б. С. Б. | Црнобело