Италија по карантинот: Луѓето излегоа првпат по 2 месеца и повторно ги наполнија улиците (фото)

Детали

вторник, 05 мај 2020

По 2 месеци домашен карантин, Италијанците на 4-ти мај за првпат ги напуштија домовите, излегоа на прошетка, се видоа со блиските и ги наполнија плоштадите и парковите кои претходно беа пусти.

На 4-ти мај Италија ги попушти рестриктивните мерки, голем број компании почнаа со работа, рестораните се отворија, но работат само со испорака, јавниот превоз повторно проработе, а луѓето конечно излегоа од домовите.

Земјата беше прва најтешко погодена во Европа од корона вирусот и долго време беше затворена, но како што ситуацијата полека стивнува, време е животот да се врати во нормала, секако со претпазливост и почитување други мерки. 

Потсетете се на Додека Италијанците се во карантин – лебеди и делфини уживаат низ каналите, патките ги полнат фонтаните во Рим (фото)

Сепак, училиштата, кината и голем број продавници остануваат затворени.

Луѓето треба да одржуваат дистанца и да носат маски, а поголемиот дел го почитуваат тоа, иако има и исклучоци.

Како изгледа Италија по 2 месеци карантин:

Кјара Ферањи со сопругот и синчето на прва прошетка во Милано

Венеција на 11 март vs. 4-ти мај

Плоштадот Св. Марко во Венеција повторно полн со луѓе со маски

Патниците во Милано чекаат превоз на растојание

И во возовите во Милано се одржува растојание помеѓу патниците

За првпат по два месеци луѓето ги видоа своите блиски и сакани

Во Рим луѓето повторно се вратија на рекреативни активности во парковите

А, одржуваат и социјална дистанца при дружењето во парковите во Рим

Градежните работници во Сицилија повторно се вратија на работа како многу други

Некои луѓе ги посетија и гробиштата по долг период - Џенова

M. M. | Црнобело