8-годишно дете од САД заработи 26 милиони долари на YouTube во 2019 година

Детали

петок, 20 декември 2019

Повеќето осумгодишници уживаат играјќи си со играчки, но еден осумгодишник од САД направи бизнис од тоа и успеа да заработи 26 милиони долари оваа година, што е за 4 милиони повеќе од лани.

Според податоците од Форбс, Рајан Каџи е најскапо платениот јутубер за 2019 година, благодарејќи на неговиот YouTube канал фокусиран на играчки, којшто го направил заедно со родителите пред 4 години.

Каналот започна со фокус на коментирање на играчки, за подоцна да се прошири на наука, експерименти, предизвици, скечеви и музички спотови. Рајан во моментов има преку 23 милиони следбеници на неговиот канал Ryan’s World на YouTube.

Неговите видеа редовно надминуваат неколку милиони прегледи, а вкупно биле прегледани повеќе од 34 милијарди пати. Да, милијарди. Каналот на Рајан има нови видеа речиси секојдневно, а повеќето се со траење од 5 до 10 минути.

Се разбира, заработката на Рајан не е целосно од YouTube, но е со директна заслуга на неговата слава таму. Па така дел од 26-те милиони долари се од брендирани играчки, облека и останати работи што ги продава на Amazon, или други продавници како Target или Wallmart.

(О)Милена | Црнобело