„Спакувај го само неопходното“: Дечко си чекирал лименка пиво наместо куфер

Детали

вторник, 12 март 2019

Австралијанецот изгледа многу сериозно ја сфатил фразата „спакувај го само неопходното“, па на лет до Перт си чекирал лименка пиво како багаж.

Дечко чекирал една лименка пиво како багаж за во лет, а персоналот на аеродромот уредно ја обележал, ја ставиле во авион и потоа ја пуштиле на лента за патникот да си го земе „багажот“.

„Другар ми работи на аеродром и го смисливме овој план на шега, но не очекувавме дека навистина лименката ќе излезе од другата страна. Но, беше испратена уредно со останатиот багаж, а персоналот очигледно ја гледале како багаж и се однесувале коректно.“ – изјавил патникот, кој се идентификува како Дин.

Тој забележал дека неговиот „вреден багаж“ пристигнал кога другите патници почнале да сликаат како неговата ценета лименка „сама и гордо“ доаѓа на лентата.

Следниот пат кога ќе се мислите дали ќе ви собере сè, колку килограми ќе ви тежи багажот и слично, сетете се на овој генијалец... 

М. М. | Црнобело