Туристите разочарани: Зошто го тргнаа легендарниот знак „I amsterdam“?
- Детали
- среда, 05 декември 2018
Ако сте го посетиле Амстердам, тогаш сигурно сте се сликале со знакот „I amsterdam“ во главниот и најголем град на Холандија.
Но, дали знаете дека холандските политичари донесоа одлука дека овој иконски знак (Јас сум Амстердам) е премногу индивидуалистички и е спротивен од прогресивните вредности за почитување на различностите?
Тие сакаат да прикажат вредности како толеранција и солидарност, а овој слоган не одел во прилог на тоа. Плус, овие букви се сметале за симбол на масовниот туризам и на негативниот ефект од истиот.
Слоганот кој стоеше пред Државниот музеј, посветен на уметноста и историјата на градот, веќе 14 години беше атракција за туристите кои се сликаа со него.
Сега, буквите ги натоварија на камион и ги тргнаа оттаму.
Но, многу луѓе не се среќни поради одлуката. Некои тврдат дека со овој потег како да сакаат да го убијат духот на градот. „Како ќе го доживеете Амстердам ако не можете да се возите со велосипед, да одите кај I Amsterdam и да позирате со буквите?“. Тој слоган ги поврзуваше луѓето, симболизираше дека сите заедно поврзани го сочинуваме Амстердам.
Дебата околу исправноста на потегот продолжува. Што мислите вие?
Некогаш:
Сега:
С. С. | Црнобело
Би можело да ве интересира:
Препорачуваме
Најчитани неделава
