Учител однел 2 девојчиња на танц за ќерки и татковци, откако го изгубиле нивниот татко

Детали

четврток, 25 октомври 2018

Неколку седмици по смртта на нивниот татко, учителот одлучил да ги однесе на игранката на кои тие традиционално веќе 4 години оделе со татко им.

Стиви Кулберт е учител во основното училиште „Gates Elementary“ во Мичиген. На една средба со родителите тој ја забележал Шели Риси како присуствува со нејзините две ќерки Ејвори и Аливија, но без сопругот Лук.

Откако, поразговарал со неа дознал дека тој неодамна починал.

Ејвори и Аливија со нивниот татко Лук

Стиви, кој претходно им бил учител на Ејвори и Аливија, сочувствувал со семејството за трагедијата што им се случила.

„Знам како е кога страдаш како дете. Кога имав 11 години гледав како мојот постар брат се бори и умира од рак. Гледајќи го мојот брат како минува низ тоа на таа возраст сфатив дека тој е најсилната личност што ја знам“, изјави Стиви.

Потоа, тој побарал дозвола од мајката на девојчињата за да ги придружува на игранката за татковци и ќерки, организирана во нивното училиште. Тој ги однел нив заедно со двете негови ќерки.

Инаку, на оваа игранка Ејвори и Аливија традиционално оделе со нивниот татко во изминатите 4 години.

На игранката девојчињата биле дотерани во заедно со Стиви пуштиле балони во чест на нивниот прерано починат 32-годишен татко. Органите на Лук ќе бидат донирани и Стиви се надева дека оваа приказна ќе инспирира и други луѓе.

С. С. | Црнобело