Наоружани чувари, детски работни кампови: 10 застрашувачки факти за скиентолошката црква

Детали

четврток, 28 јуни 2018

Актерот Том Круз е еден од најзначајните и најистакнати членови на скиентолошката црква, која како постојано да има проблеми со законот.

Скиентолошката црква години наназад се поврзува со низа скандали и контроверзии. Таа има проблеми со законот, а начинот на нејзиното функционирање наликува на секта.

Том Круз е еден од познатите личности кои се дел од оваа т.н. религија, на која прво место и се финансиските донации од членовите.

Факти за скиентолошката заедница:

- Тие не веруваат во ментални болести и користењето на антидепресиви го сметаат за неодговорно однесување.

- Скинетолошката црква е поврзувана со тргување со луѓе, држење во заробеништво и комплетно контролирање на нејзините членови.

- Често има проблеми со законот.

- Не е призната религија во светот и многумина ја сметаат за секта.

- Во книгата „Beyond Belief: My Secret Life Inside Scientology and My Harrowing Escape“ поранешна членка на скиентолошката црква вели дека има работни кампови за деца и дека кога била мала минувала часови и часови работејќи напорно под пеколно жешкото сонце.

- Организираат испитувања на членовите на црквата и им вршат испрашувања пред камера.

- „The Hole“ е неофицијалното име на еден скиентолошки објект во Калифорнија за кој се вели дека има толку лоши услови што многумина го споредуваат со казнена камп во Северна Кореја.

- Во 2004 година скиентолошката црква тврдеше дека има 15 милиони членови низ целиот свет, а сега наводно бројката е многу поголема.

- Црквата треба да ви го одобри партнерот и да процени што е најдобро за вас. Наводно така се споени Том Круз и Кејти Холмс.

- Непријателски е настроена кон сите нејзини критичари.

- „Gold Base“ е името на главното седиште на скиентологијата во Калифорнија, на 100 километри од Лос Анџелес, кое е обезбедено со наоружани чувари, висока ограда, сензори за движење, камери итн.

- Неколку необјаснети случаи на смрт на членови се припишувани токму на црквата.

- Прават „безбедносни“ испитувања на децата со 99 прашања од типот: „Дали некој ти кажал нешто да не кажуваш и што е тоа“, „Дали некогаш си одлучил дека не ти се допаѓа некој член од твоето семејство“...

Прочитајте и контроверзни правила за децата според скиентологијата!

С. С. | Црнобело