Цената на текилата рапидно се зголемува - Ќе се збогуваме ли од омилениот алкохолен пијалак?

Детали

петок, 09 февруари 2018

Donde Esta Mi Tequila?! Годинешнава прослава на еден од најголемите мексикански празници ќе биде помирна од вообичаено, поради намалената достапност на агаве на пазарите, што значи дека ќе биде отежнато и производството на текила.

Како што се зголемува побарувачката за растението коешто се користи за правење на популарниот алкохолен пијалак, така и производителите на текила запаѓаат во криза, бидејќи расте цената на агавето.

Се предвидува дека ќе има масовен недостаток на агаве, што ќе трае најмалку до 2021 година.

Според регулаторниот совет за текила и националната индустриска комора за текила, оваа година ќе бидат потребни 42 милиони агаве растенија за да се задоволи растечката индустрија за производство на текила.

Но, од сеидбата од 2011 година, само 17,7 милиони се спремни за жетва.

Овој недостаток на зрело агаве доведе до тоа фармерите да ги жнеат порано растенијата, што уште повеќе го зголемува недостатокот, бидејќи на агавето му се потребни 7 години за да созрее, а од незрелото агаве може само да се добие лоша текила.

Локалците потврдуваат дека фармерите жнеат растенија коишто се само 4 годишни и недоволно зрели, бидејќи пазарот им бара производ, а тие немаат созреан.

Покрај ова, недостатокот на агаве предизвика и пораст на цената и тоа од 21 цент за килограм до дури 1,18 долари за килограм, што дополнително значи дека ќе се соочиме со недостаток од текила.

Зголемувањето на побарувачката, зголемената веројатност на кражба на растенијата и зголемената цена, значат дека дестилериите ќе бидат принудени да се затворат бидејќи нема да можат да одржат конкурентна цена во однос на другите типови алкохол.

Сево ова укажува дека наскоро чашката текила ќе треба да ја платиме поскапо во нашите ноќни клубови.

(О)Милена | Црнобело