Обожавам да си ја оперирам сопругата: Пластичен хирург тврди дека ја создал жената со идеални пропорции

Детали

вторник, 22 ноември 2016

Еден пластичен хирург открива дека тој ја користи неговата сопруга како „домашен“ модел за неговите клиенти откако ја ре-дизајнирал нејзината фигура со разни козметички процедури.

47-годишниот Филип Крафт, има своја клиника во Мајами, а неговата сопруга ја користи како модел на кој ги испробува операциите, откако таа ги родила нивните двајца синови.

43-годишната Ана е пресреќна, бидејќи е убедена  дека има совршено тело благодарение на хируршката работа на нејзиниот сопруг.

Во текот на нивниот 21-годишен брак, Ана ги зголемила градите, направила липосукција, зголемување на задникот, контурирање на телото со операции, скулптурирање на струкот и абдоменот, ботокс, инјекции за полнење на усните и образите.

На почетокот таа одбивала нејзиниот сопруг да ѝ прави пластични операции, но откако ги родила двата сина, се премислила.

Сега, според нејзиниот сопруг, таа има совршено извајано тело.

„После сите операции, сега сум убеден дека е поубава и откако ја запознав на 22 години“ - вели тој.

Н. Г. | Црнобело