Индиска свадба „тешка“ $74 милиони: Младоженецот пристигнал на 5 бели коњи, гостите добиле позлатени покани...

Детали

среда, 16 ноември 2016

Еден индиски политичар предизвика гнев меѓу луѓето во оваа сиромашна земја заради скапата и луксузна свадба која ја организирал за неговата ќерка.

Поранешниот државен министер Гали Јанардан Реди потрошил 74 милиони долари за свадбата за која гостите добиле покани во позлатени кутии и цели 5 дена настапувале познати боливудски ѕвезди.

Невестата променила неколку венчаници меѓу кои една чинела 2,5 милиони долари, а младоженецот Раџев Реди пристигнал со 5 бели коњи.

Свадбата се случи само неколку дена откако индиската влада изјави дека банкнотите од 500 и 1.000 рупи ќе се укинат.

Новост која најмногу влијаеше на Индијците од ниската класа кои не заработуваат доволно ниту за да преживеат.

Инаку, свадбата била исмевана и на социјалните мрежи.

Н. Г. | Црнобело