Отворете очи кога купувате: Девојка нашла зашиен глушец во новиот фустан

Детали

вторник, 15 ноември 2016

24-годишната Кејли Фисел се вратила со два фустани од Zara во нејзиниот дом во Гринвич, Конектикат. Неколку недели подоцна за првпат облекла еден од фустаните и забележала дека нешто не е во ред со истиот.

„Додека била на работа забележала непријатен, чуден мирис“ - е напишано во тужбата поднесена против Zara.

„Како поминувал денот забележала нешто што личи на конец кој се допира до нејзината нога. Кога се обидела да го скине она што ѝ личело на конец открила дека не е конец, туку мртов сошиен глушец. Поточно, нога на мртов глушец.“

„Госпоѓица Фисел скокнала од столицата на работа, шокирана и парализирана од страв. Откако го соблекла фустанот целосно сфатила дека мртов глушец е сошиен во самиот фустан.“

Со тужбата биле поднесени и две фотографии.

Zara USA вратиле: „Свесни сме за тужбата и понатамошно детално ја истражуваме ситуацијата. Zara USA има ригорозни здравствени и безбедносни стандарди и посветени сме на тоа нашите производи да бидат направени согласно тие стандарди“.

Н. Г. | Црнобело