Идната сопруга на „Кралот на Инстаграм“: Се навикнав на дивите забави и голите жени околу него

Детали

четврток, 13 октомври 2016

Некои би рекле дека Џулијан Никол го живее кошмарот на секоја жена - секој ден е соочена со фотографии од нејзиниот вереник на кои има многу пари и голи жени.

Но, 26-годишната вереница на мултимилионерот Тони Тутони тврди дека му верува.

Тони е познат како Кралот на Инстаграм и неговата слава ја стекна благодарение на дивите забави, бесните автомобили, приватните авиони, куферите полни пари и голите жени околу него.

Џулијан, која има веренички прстен на раката, вели дека го поддржува неговиот начин на живот. Иако таа е подготвена да се откаже од животот како сингл девојка, Тони не е ни близу до смирување.

Сепак, таа признава дека нејзиното семејство е против веридбата, исто како и нејзините пријатели кои не ја поддржуваат идејата таа да биде сопруга на Тони.

„Понекогаш знам да бидам љубоморна, но повеќе не ме вознемирува она што би ја вознемирило секоја просечна девојка. Сега сум многу поотворена и повеќе прифаќам. Порано постојано се каравме и раскинувавме бидејќи моите пријатели ми праќаа фотки од Снепчетот на Тони. Понекогаш одев кај него дома за да најдам 3 голи девојки скриени во неговиот гардеробер,“ раскажува Џулијан за животот со Кралот на Инстаграм.

„Но, лудите фотки се само едната страна на Тони. Јас знам дека има огромно срце и еден ден ќе биде одличен татко. Научив да му верувам.“

М. Д. | Црнобело