Девојка пропатувала 8.000 километри за да го запознае мажот со кој случајно се поврзала на Тиндер

Детали

среда, 24 август 2016

Една девојка била очајна да го запознае човекот со кој се поврзала преку Tinder па решила да пропатува 8.047 километри околу светот за лично да го види, а за таа цел ја искористила целата своја заштеда.

Вероника Долцелова која има 24 години и е од Прага, на Tinder се поврзала со 42-годишниот Американец Брајан Дејвис кој тогаш за одмор бил близу Прага.

Но, на Брајан му останале само неколку часа пред да мора да лета 12 часа со прекуокеански авион за Денвер и немал време да се види со Вероника.

Мислејќи дека никогаш нема да имаат можност лично да се запознаат, сепак продолжиле да разговараат на интернет.

Три месеци подоцна, Вероника решила да ја собере целата своја заштеда и да отпатува за Америка за првпат лично да се запознаат.

„Цел океан не делеше, но почнавме заедно да го планираме моето патување. Татко ми беше гневен. Беше убеден дека Брајан не е реалност, дека е некој човек кој ќе се обиде да ме искористи“ - објаснува Вероника.

„Сум слушала и читала за хорор приказни за луѓе кои решиле така да отпатуваат само за да се запознаат со својата интернет љубов“ - додава таа.

„И неговите неа нервозни. Мислеле дека сум некоја непозната девојка која доаѓа само за зелен картон“ - продолжува.

По само неколку дена од нејзиното слетување во Америка, сфатиле дека се како создадени еден за друг.

„Не можете да замислите колку сум среќна што решив да дојдам тука за да го запознаам Брајан. Животот целосно ми се измени“ - заклучува 24-годишната Вероника.

Н. Г. | Црнобело