Вегетаријански град во Белгија

Детали

понеделник, 25 мај 2009

Со шведска маса во градското собрание, која ја подготви вегетаријанскиот готвач Philippe van den Bulck кој има работено во најдобрите ресторани во светот...

 

...меѓу кои и elBulli во Шпанија, Советот на градот ја прифати идејата секој четврток да биде вегетаријански ден во Ghent, Белгија.

Белгискиот град со 200.000 жители лоциран западно од Брисел е првиот во светот кој се сети на ваков начин да ја поттикне заштитата на животната средина.

Според Обединетите Нации месната индустрија е одговорна за 18% од гасовите што го предизвикуваат ефектот на стаклена градина.

Градските власти велат дека консумирањето месо има големо влијание во загадувањето, па станувањето вегетаријанец на еден ден е „добро за климата, здравјето и сетилата за вкус“.

Неколку други градови во Белгија веќе почнаа да ја разгледуваат идејата на Ghent, каде од септември во школите секој четврток ќе се служи само вегетаријански оброк.

Првиот вегетаријански ден беше прославен на 14 мај со забава на градскиот пазар каде покрај гозбата со вкусни оброци и добро вино се разменуваа и рецепти и флаери за вегетаријански ресторани.

Што велите за ваков ден во Скопје?