Има 58 години, а изгледа како да има 25 - Кој е Чуандо Тан, мажот кој не старее?

Детали

сабота, 22 јуни 2024

Не пие ни кафе ни чај, не се изложува на сонце и неколкупати ја сменил професијата, бидејќи му создавала стрес. Која е тајната за младешкиот изглед на 58-годишниот Чуандо Тан од Сингапур?

Чуандо Тан е сингапурски модел кој неодамна стана интернет сензација поради неговиот младешки изглед. 

Тој има 58 години, но повеќето се согласуваат дека изгледа како да е во своите 20-ти.

Како успева вака да му пркоси на времето?

Некои се сомневаат во допинг, други сметаат дека има направено естетски операции, а дури има и обвинувања дека лаже за својата вистинска возраст и слично.

Па, која е всушност тајната на неговиот младешки изглед?

Чуандо Тан е роден во Сингапур и е познат по својата кариера како моден фотограф, модел и актер. 

Пред тоа бил и поп пејач или, кратко кажано - момче со многу таленти.

Денес има 1,5 милиони следбеници на Инстаграм, но тоа нема никаква врска со споменатите таленти. 

Најголемо внимание привлекува неговиот младешки изглед.

На 58-годишна возраст, изгледа како да има 20-тина години.

Голема заслуга за својот изглед Чуандо Тан ѝ припишува на балансираната исхрана.

Неговите навики во исхраната се едноставни и ефективни:

Тој се грижи да консумира доволно протеини и да го ограничи внесот на јаглехидрати.

Неговите оброци вклучуваат јајца, авокадо, риба, пилешко и ориз. За ужина избира бадеми или црвено овошје.

Избегнува сосови и претпочита да ја маринира храната. Повремено се препушта на слатки задоволства, како сладолед.

Пие многу вода, избегнува чаеви, кафе и алкохол.

Станува рано, околу 4 часот наутро, за да појадува јајца и овес, а сето тоа го комбинира со млак сок од лимон.

Не вечера, а последниот оброк во текот на денот му е во 19:00 часот.

Физичката активност е исто така суштински столб на рутината на Чуандо Тан

Тој оди во теретана од четири до петпати неделно, со интензивни тренинзи кои траат околу 30 минути и кои главно се состојат од работа со телесна тежина.

Претпочита комбинации на кардиовежби и вежбање со тегови.

Тој е поранешен ватерполист и денес редовно оди на пливање, што дополнително придонесува за неговата кондиција.

Своите тренинзи ги адаптира на своите години, за да ги намали ризиците од повреди.

Покрај диетата и тренинзите, Чуандо Тан придава големо значење на управувањето со стресот и неговиот начин на живот

Неговата дневна и ноќна рутина за негување на кожата е едноставна: користи средство за чистење на лицето, хидратантен крем и повремено пилинг.

Не се изложува на сонце, бидејќи тоа создава брчки.

Неколкупати менувал работа за да избегне стрес и да најде професија што му одговара.

Редовно медитира, а спие по 7-8 часа навечер.

https://www.tiktok.com/@chuando.tiktok_/video/7358693618833526021?is_from_webapp=1&sender_device=pc

Иако неговите животни навики се одлични, пресудно во сето тоа е генетиката.

Некои поединци, како што е Чуандо Тан, едноставно имаат генетски предиспозиции што им овозможуваат да изгледаат помладо. 

Токму затоа, не секој може да ги постигне истите резултати, дури и ако ги има истите навики.

На крај, најдобрата лекција што може да се извлече од неговиот пример е важноста на грижата за себе.

Сакајте ја вашата работа, хранете се здраво, спијте добро и редовно вежбајте.

Повеќе негови фотографии погледнете на следната страница...